Apan sigon sa igsuon ni Gestopa nga si Cesar, mibalik gyod sa sulod sa balay ang magtiayon tungod kay tua pa sa sulod sa ilang balay ang 21-anyos nga apo nga si Gerick, usa ka special child.
Sa pagsuwat ning balita, ang patayng lawas nila ni Gestopa, 65 ug Louella, 67, naugkat na gikan sa naugdaw nilang balay apan wa pa makita si Gerick.
Sigon ni Cesar, nahadlok sa kainit sa kayo si Gerick hinungdan nga wa gyod kini mogawas.
Matod ni Cesar nga pinangga kaayo sa magtiayon si Gerick tungod kay mao kini ang ilang unang apo.
Gisigihan ni Cesar og tawag ang magtiayon nga manggawas na og balik, apan midako na pag-ayo ang kayo ug wala na makagawas sa balay si Gestopa ug Louella.
Ang sunog miulbo alas 2 sa kaadlawon ug na-under control sa mga bombero alas 3:05 a.m. hangtod nga hingpit nga napawong alas 4:10 a.m.
Miabot sa 15 ka balay ang naugdaw sulod sa tulo ka compound- Gestopa compound, Ceniza compound ug Ermac compound.
Gawas sa mga namatay, dunay 3 pa ka tawo nga nasamdan. Ang kabomberohan sa Mandaue City mihimo pa og imbistigasyon unsay nakaingon sa sunog.
