GIPASALIG ni SM SUPERMALLS President Steven Tan nga ang mga Bol-anon maoy unahon sa pagpatrabaho atol sa construction ug actual operation sa SM CITY TAGBILARAN.

Atol sa groundbreaking sa world-class nga Mall sa Tagbilaran City, si Tan miingon nga ang maong mall nahimong “foundation for growth”.

“We are prioritizing local hiring, creating substantial employment from our construction to operation,”sigon ni Tan sa iyang speech.

Si Tagbilaran City Mayor Jane Yap miingon nga si Tan nipasalig kaniya nga 80 percent sa workforce sa SM City Tagbilaran mga Bol-anon.

Matod ni Yap nga makagama gyud og mga job opportunities ang pagsulod sa SM sa Tagbilaran ug Bohol.

Sigon ni Yap nga sa paniudto, gihangyo niya si Tan ug sakop sa pamilyang Sy nga si Jessica Sy kinsa apo ni anhing Henry Sy Sr. nga 60 %sa workforce kinahanglang Bol-anon nga trabahante.

Apan gipasaligan sila nga 80 % mga Bol-anon ang patrabahoon.

“SM is not just a mall. It is a symbol of opportunity, a symbol of economic growth, job creation, and a better future for every Boholano,”sigon ni Mayor Yap.

Ang lady Mayor miingon nga ang Boholanos, labi pa mga batan-on ug ginikanan maoy mabulahan niini.

“This development means thousands of jobs, increased business activities and a stronger local economy but more importantly, this is for the people of Bohol. Boholanos first,”dugang ni Yap.

Ang bana ni Yap nga si Former Tagbilaran City Mayor Baba Yap nga mahimong moabot sa 3,000 ka workers ang makapahimulos apil na sa construction site.

Samtang si Governor Erico Aristotle Aumentado nalipay kaayo niini.

Matod ni Aumentado nga naa sa 1,000 to 2,000 ang mga Bol-anon nga makatrabaho.

Si Aumentado miingon nga mihangyo sab siya sa mga opisyal sa SM mga palapdan ilang investments ngadto sa ubang dapit sa Bohol.

Matod ni Aumentado nga mahimong sa dagko ug malamboon nga lungsod sama sa Tubigon, Talibon ug Ubay.

Si Tan mipasalig San nga ang mall makatabang sa mga gagmayng negosyante.

“We are committed to micro small and medium enterprises development providing platforms for local entrepreneurs to thrive and to help boost the economy of the city and the province, ” sigon ni Tan.

Ang SM City Tagbilaran anaa mahimutang sa 60,000 Square meters o 6 hectares lot sa Hangos Street, barangay Cogon, Tagbilaran City.

Ang mall mismo mokabat og 20,000 square meters nga dunay 3 ka level diin itanyag sa mga Boholanos ang world-class shopping, dining, ug entertainment destination.

Si Tan miingon nga world-class ang maong mall apan lahi sa ubang SM Malls.

“Today, we breaks Ground for SM City Tagbilaran ushering a new era for SM Supermalls. What sets this mall apart is its distinct adaptation of local design that is world-class, very different from other traditional SM mall aesthetics that you normally see,”pasabot ni Tanm

Matod ni Tan espesyal kini nga mall alang sa mgq Bol-anon nga nagpaabot sa SM sulod sa dugayng panahon.

“This will highlight Bohol unique cultural identity blending seamlessly with the local landscape and the community, “sigon ni Tan.

Dugang ni Sy gisiguronsan nila nga mahimong sustainable ang maong mall ug eco-friendly.

“We’re incorporating eco-friendly features like natural lighting, water conservation, green spaces, solar energies to minimize our footprint,”dugang niya.

Mitambong sab sa groundbreaking ang mga provincial board members, city councilors, mayors ug barangay officials sa Tagbilaran ug ubang mga lungsod, ug ubang mga SM officials sama nila SM Prime Holdings, Inc. Vice President Jessica Sy, SMPHI Vice President Marissa Fernan, SM Supermalls Vice President for Operations Junias Eusebio, Vice President for Operations- Visayas Michelle Llanos, SM Supermalls Regional Operations Manager Anton del Prado ug ubang key SM officials.