Mimando dayon og imbistigasyon si Cebu City Mayor Edgar Labella batok sa duha ka buhatan sa City hall nga nag-team building niadtong weekend.
Ang dyLA unang nakakuha sa mga hulagway sa mga empleyado sa DWUP nga nangadto sa Tabuelan niadtong Sabado. Gi-post kini imsmo sa DWUP Cebu City fb page.
Dunay laing mga hulagway sa daghang mga empleyado nga wa gyod mag-physical distancing ug gipost sa usa ka empleyado nga kuyog.
Usa usab ka grupo sa mga empleyado sa laing departamento (CTO) nga nag-team building sab sa Catmon ug ang post sa usa sa mikuyog may caption “CTO Inspection Team 2020 get together.”
Ang tanang mga hulagway deleted na o gipapas na sa mga fb pages.
“I have already issued a memorandum to explain and henceforth, i’m going to issue another memorandum that there will be no more team building activities in all departments of the City government,”sigon ni Labella.
Matod sa mayor, gidid-an na niyang mga Christmas parties sa city hall offices, busa, samot na ang team building kay magtapok man gyud sila.
” Because we have already prohibited Christmas parties. So in the same manner that team building, in which case, there is always a mass gathering that we will not allow it anymore,”dugang sa mayor.
Kon masuta nga nakahimo og kalapasan ug administratively liable ang mga empleyado, mag-atubang og silot.
Ang silot mahimong reprimand o suspension, mag-agad sa gravity sa kalapasan, sigon sa mayor.
