SI Aquino mipahibawo niini sa Instagram diin sigon niya, andam na siya nga mahimong Mrs. Sarmiento.
“To my best friend and the man I said yes to spending the rest of my life with, thank you for as bimb said loving me for me, with no agenda, and for being just an overall good and patient man. It’s unreal how much more calm & peaceful i feel now that you’re here,” sigon ni Aquino.
Unang naminyo si Kris Aquino sa basketball star nga si James Yap apan buwag na ang duha. Ang ilang anak mao si James “Bimby” Yap Jr. Ang panganay ni Kris nga si Joshua anak ñiya kang Philip Salvador.
Si Sarmiento nahimong DILG Secretary atol sa termino sa igsuon ni Aquino, kanhi Presidente Benigno Simeon Aquino III.
Nahimo sab siya nga vice mayor sa Calbayog City gikan sa 1992 ngadto sa 1995, ug mayor sa Calbayog city gikan sa 2001 ngadto sa 2010.
Nahimo siyang Kongresista nga nag-represent sa 1st District sa Samar gikan sa 2010 ngadto sa 2015, ug dayon isip secretary sa Department of the Interior and Local Government ilawom sa pamunuan ni Noynoy Aquino.
Si Kris Aquino maoy kamanghuran sa mga anak ni kanhi Presidente Corazon Aquino ug kanhi Senador Benigno Ninoy Aquino.
📷 Kris Aquino Instagram
