Nag-edad siya og 85.
Ang iyang igsoon nga si Lapu-Lapu City Vice Mayor Celedonio Sitoy miingon nga namatay ang iyang maguwang tungod sa cardiac arrest human nga mipaubos sa angioplasty procedure tulo ka adlaw na ang milabay, human sab nga gisakitan siya sa dughan.
Unang nadala sa ospital si Secretary Sitoy kapin 3 ka semana na ang milabay human nga nag-positibo sa COVID-19.
Apan nakagawas na unta kini human nga nag-negative sa repeat swab test.
Ang Malacanang mipadanat sa ilang kasub-anan sa kamatayon sa Kalihim kinsa usa usab ka beterano nga politico sa Sugbo.
“Sec. Sitoy was instrumental in the passage of the key legislative reform measures of the Duterte Administration,”matod ni Presidential Spokesperson Harry Roque sa us aka pamahayag.
“As head of PLLO, he made sure that there is stronger Executive-Legislative collaboration to bring about genuine and lasting change through legislation,” dugang ni Roque.
Si Sitoy natawo sa Corodova niadtong February 6, 1936.
Nahimo sab siyang one-time member sa Sangguniang Bayan sa Cordova, Cebu, sakop sa provincial board, commissioner ug director sa Cebu Port Authority ug Metropolitan Cebu Water District, respectively.
Nahimo sab siya nga mayor sa mayor sa Cordova gikan sa 2007 ngadto sa 2016. Dayon nahimo sab siya’ng kanhi vice-mayor sa lungsod sa wa pa matudlo isip Secretary sa PLLO.
Si Sitoy nahimo sab nga kanhi assemblyman. Siya maoy nahimong unang president sa Integrated Bar of the Philippines Cebu Chapter ug unang dean sa College of Law sa University of Cebu.
Siya ang miduso sa katukoran sa hapit na mahuman nga 3rd bridge o ang Cebu Cordova Link Expressway nga nagdugtong sa Cebu City ug Cordova sa Mactan Island.
SIya maoy nahimong haligi sa Lubad sa Dagang Bisaya o Ludabi sanglit usa siya ka advocate sa Cebuano language.
“I will miss the dancing prowess on the dance floor of a man who has lived a life of selflessness and humility. We honor and pay tribute to his devotion to public service,” matod ni Chief Presidential Legal Counsel Salvador Panelo.
