Si Zamboanga 1st District Rep. Khymer Adan Olaso miduso karon og balaodnon ‘Death Penalty for Corruption Act’ or House Bill No. 11211.
Ang maong balaodnon nagtinguha nga pahamtangan og silot nga KAMATAYON PINAAGI SA FIRING SQUAD ang mga public officials gikan sa Presidente ngadto sa labing ubos nga opisyal sa barangay kon makombikto sa Sandiganbayan sa mga kasong graft and corruption, malversation of public funds, ug plunder.
Apil sa mamahimong masilotan niini ang mga opisyal sa executive, legislative, judicial branches, ang anaa sa mga constitutional commissions, government-owned and controlled corporations, ug ubang mga sanga sa gobiyerno apil na ang Armed Forces of the Philippines (AFP) ug Philippine National Police (PNP).
Nalatid sa balaodnon nga silutan og kamatayon pinaagi sa firing squad ang mga opisyal nga napamatud-an nga nagkasala sa Sandiganbayan:
> Kadtong nakasala sa kasong graft ubos sa Anti-Graft and Corrupt Practices Act (causing injury to the government due to partiality)
>Kasong malversation of public funds (use of public funds for purposes not provided for it)
>Kasong plunder (diin ang nakawat moabot og P50 milyon o sobra pa nga public funds)
Nabutang hinoon sa proposed bill nga ang himoon lang ang pagpahamtang sa kamatayon pinaagi sa firing squad kon nahukman na kini with finality sa Korte Suprema; nahimo na sa akusado ang tanang legal nga lakang pagdepensa iyang kaugalingon.
“These safeguards aim to uphold the fundamental rights of the accused while ensuring that the imposition of the death penalty is applied only in cases where guilt is conclusively established,” sigon ni Olaso diha sa iyang balaodnon.
