Sayon ra kaayong sumaysumayon kining linya sa sikat nga kanta ni Victor Wood, ang jukebox King sa nasod tungod sa iyang mga sikat nga kanta niadtong dekada 70.
Karong adlawa, si Wood namatay sa edad nga 74 anyos tungod sa COVID-19 complications.
Ang asawa ni Wood nga si Nerissa mikompirmar nga ang veteran singer namatay alas 9 a.m. karong adlawa (Abril 23, 2021) didto sa New Era General Hospital sa Quezon City.
“Bumaba ang oxygen level niya last night,” sigon ni Nerissa sa report sa abs-cbn news website.
Si Wood unang gidala sa ospital duha ka adlaw na ang milabay tungod sa asthma.
Si Wood kinsa usa ka Bicolono ug American mestizo, misulod sa showbiz niadtong dekada 60, apan misikat siya paglabay sa usa ka dekada tungod sa nabantog niyang mga kanta.
Gawas sa mga kantang Bisaya, daghan kaayo siya’g mga gipasikat nga kanta sama sa “In Despair,” “Mr. Lonely,” “I’m Sorry My Love,” “I Went to Your Wedding,” “Fraulein,” “Eternally,” “Carmelita” ug daghan pa.
Tungod sab sa iyang ka-ambungan, nakagama siya’g pelikula kauban ang Superstar nga si Nora Aunor, Djoanna Garcia ug ubang mga leading ladies.
(Internet photo)
