Kini mao ang pag-undang sa kasamtangan sa paggama sa ilimnong makahubog aron ang alcohol magamit ra gyud sa paggama sa rubbing alcohol.
Si Bobong Castillo sa International Pharmaceuticals Inc. o IPI, miangkon nga duna gyuy shortage sa mga rubbing alcohol karon tungod sa COVID-19 health crisis.
Taas kaayo ang demand sa rubbing alcohol tungod sa health crisis, matod ni Castillo sa dyLA.
Ang IPI nag-angkat sa ilang alcohol nga gamiton sa paggama og rubbing alcohol ug hand sanitizers gikan sa mga dagkong distilleries sa nasod.
Apan susamang distilleries nga mobaligya sab og alcohol ngadto sa mga dagkong manufacturers sa mga alcoholic beverages.
Ang problema, sigon ni Castillo, lisod ang pag-compete sa mga alcoholic beverages manufacturers kay ang mga distilleries dakog kita ug maka-over og taas nga presyo gikan nilang tiggama og ilimnong makahubog.
“All of that alcohol should be used for the production of rubbing alcohol para maka-serve sa atong mga medical institutions,”sigon ni Castillo sa dyLA.
“Then ang tanang production sa alcoholic beverages in my personal opinion, should be suspended,”dugang niya.
Alang ni Castillo, dili gamit sa society o katilingban karon ang mga ilimnong makahubog, samtang ang rubbing alcohol makatabang pag-save sa katawhan.
Ang ilimnong makahubog mao pay hinungdan sa mga aksidente sa sakyanan.
Unta, may legislation alang niini o ang presidente makahimo og order.
Niawhag siya sa media nga unta makatabang pagpressure niini aron masulbad ang shortage sa rubbing alcohol.
Ang IPI maoy tiggama sa Casino Rubbing Alcohol.
