Inday Sara nanumpa isip sakop sa LAKAS-CMD

TALIWA sa mga pangagpas sa iyang pagdagan sa nasodnon nga posisyon, si Davao City mayor Sara Duterte-Carpio nanumpa karong adlawa, Huwebes, isip sakop sa Lakas-CMD party .

Nahitabo kini pipila ka oras human sa iyang pag-resign gikan sa kaugalingong partido, ang Hugpong ng Pagbabago (HNP).

Si Duterte-Carpio nanumpa isip sakop sa Lakas-CMD atubangan ni House Majority Leader Martin Romualdez, ang presidente sa partido.

Ang oath taking nahitabo sa Revilla Farm sa Silang, Cavite alas 6 p.m. karong gabii.

“The officials and members of Lakas-CMD are elated to welcome Davao City Mayor Sara Duterte as new member of our party,” sigon ni Romualdez.

Matod ni Romualdez, dugay na nilang gidapit si Duterte-Carpio nga magpasakop sa partido nga kaniadto maoy ruling party sa presidency ni Gloria Macapagal-Arroyo.

“We had long been inviting Mayor Inday to join our party as we are all impressed with her sterling qualities as a leader and we saw up close her exemplary work ethic as chief executive of Davao City,”dugang ni Romualdez.