Ang mga awtoridad nakasakmit og 25 ka kilong shabu gikan sa inahan ug anak nga sakay sa usa ka barko nga midunggo sa Pier 4, Cebu City kaganihang buntag, Huwebes, Enero 23, 2025.

Ang mga sakop sa Philippine Drug Enforcement Agency 7 (PDEA) Seaport Interaction Unit nagpahigayon lang unta og routine narcotic K9 inspection sa dihang daw mipakita’g kadudahang lihok ang inahan ug anak nga sakay sa Mitsubishi Mirage nga gikarga sa barko gikan sa Masbate ug nidunggo sa Pier 4 mga alas 7 sa buntag.

Tungod niini, gamit sa K9 dog nga si Bayani, gisuhid ni ang karga nga diha sa back compartment sa sakyanan.

Milubog ang iro sa dako nga cartoon timailhan sa illegal drugs sa sulod niini.

Tuod man, pag-abli sa mga operatives sa cartoon nakita ang mga bulto sa gidudahang shabu.

Gidakop dayon si alias Edward, 41 anyos nga truck driver ug iyang inahan nga si Edna, 63 anyos kinsa taga barangay Ermita Siyudad sa Cebu.

Sigon sa PDEA, ang drugas mitimbang og 25 kilos ug nagkantidad og P170M.

Matod ni Junard Quayzon, ang Chief of Intelligence Division sa PDEA7, nga ang barko nga gisakyan sa mga suspek gikan pa sa Masbate apan sa ilang nakuha nga impormasyon nga ang duha gikan pa sa Manila ug niagi sa Masbate paingon sa Cebu.

Ang mga suspek niingon nga gisugo lang sila pagdeliver sa sakyanan sa Cebu ug wa silay kalibutan nga duna kini drugas. Wa sab sila makaila sa nagsugo nila pag-deliver sa sakyanan.