Kini sigon ni Police Regional Office 7 Director Brigadier General Albert Ignatius Ferro, taliwa sa daw pagtugot sa mga sakop sa Argao Police Station nga pagawasgawason ang 2 ka babayeng priso.
Sigon ni Ferro, sad-an sab ang mga sakop ni Major Ildefonso Miranda kon gisunod ang illegal nga sugo.
Kon relibuhan ba ang tanang polis, mag-agad kini sa resulta sa imbistigasyon.
Apan mikatarungan ang mga polis nga lisod pagsupak sa ilang labaw.
“Tawo ra man mi niya sir, wa mi mahimo kay under ra man mi niya, sunod-sunod ra mi sa iyang isugo.”
Kini maoy giangkon ni P/ SSgt. Roy Repolidon, desk officer sa Argao Police Station, kalabot sa gihimo sa ilang hepe nga si Major Ildefonso Miranda kinsa mipagawas-gawas sa 2 ka babayeng priso nga nag-atubang og illegal drug charges.
Ang 23-anyos pirming gipakatulog ni Miranda sa iyang opisina ug ang 40 anyos maoy tigluto.
Sigon ni Repolidon, gihimo kini ni Miranda pipila ka semana human siya milingkod isip Argao police chief niadtong September 2019.
Ang 23 anyos nadakpan Aug. 30 sa buybust operation ubos sa previous police chief sa lungsod.
Wa mabalhin sa CPDRC ang 2 ka priso tungod kay giongong di na manawat ang provincial jail kay puno na.
Giangkon ni Repolidon nga sila maoy paablihon sa silda.
“Kami iyang sugoon, bisan kinsay matumngan diri,”sigon niya sa dYLA interview
Pero nganong misugot man sila?
“Aksiyon gyud mig kabalaka kay basin maapil mi sa kaso pero unsaon man sir, wa man mi mahimo,” dugang niya.
Matod ni Repolidon, tua na gyud magpirmi sa opisina ni Miranda ang batan-ong priso.
“Tagsa ra panaugon diri sa ubos,”matod niya.
Gani matod niya, daw motel room na ang opisina ni Miranda.
Hangtod nga duna nay daghang nakabantay nga sibilyan ug may mirrklamo ngadto sa Integrated Monitoring and Enforcement Group o IMEG nga maoy ni-raid sa kwarto ni Miranda gabii.
Gidakop si Miranda ug gidala ang 2 ka babaye.
Matod ni Repolidon, nakurat kaayo siya kay nagtaptap ang raiding team. Nagtuo gani siya nga gi-raid sila sa Abu Sayyaf sa pag abot. Apan nakabantay siya sa marka nga polis ug mga ID.
Gibaklid pagposas si Miranda, sigon ni Repolidon.
Matod ni Repolidon andam siya sa imbistigasyon ug isulti niya ang tinuod.
