Si Mr. Mitch Andaya, VP for Academic Affairs and College Dean of iAcademy nga naa mahimutang sa 5f Filinvest Cebu Cyberzone Tower 2, Salinas Drive corner W. Geonzon St., Cebu City ( IT PARK), mipahibawo sa ilang mga gitanyag nga programs or courses atol sa gipatawag nga press conference.
Ang iAcademy nga unang gibuksan sa Makati City niadtong 2002, mibukas sa Sugbo niadtong 2023 uban sa 90 lang ka tinun-an uban sa mga specialized programs sama sa BSCS with Major in Software Engineering, BSMEC with specialization in game development, BS Real Estate Management, AB Animation and AB Multimedia Arts and Design.
Karon ang iACADEMY Cebu naa na sa ilang ikaduha ka tuig nga operasyon, aduna na silay 235 ka tinun-an.
“We are growing and we expect to grow further In the coming years,”sigon ni Andaya.
Matod ni Andaya nga ang iAcademy mao gyoy nag-una sa mga non-traditional programs sama sa software engineering, ang 4 year degree in animation niadtong 2007, 4-year program in game development niadtong 2011.
“We were offering programs that were needed in the industry but were not offered in Traditional universities,”dugang ni Andaya.
Gipasibantog ni Andaya nga ang ilang.mga graduates dili lang ordinary graduate kondili mga highly-specialized people na sa ilang field.
Kini tungod kay kon unsa ang gi-require sa Commission on Higher Education sa ilang curriculum, ila kining gidugangan.
Aduna silay high-tech facilities sama sa ilang animation Laboratories.
Aduna silay paspas nga Internet connection, naghatag og 150 megabits per second ug dunay digital subscription sa EBSCO diin ma-access ang 250,000 e-books ug ma-access kini bisan sa ilang balay.
Ngilngig sab ang ilang mga faculty members kay sila mga practicing professionals.
“Our faculty members are actually practicing professionals. We don’t want our faculty to teach from the textbooks, we want them to teach based from experience,” matod ni Andaya.
Ang iAcademy nisubay sa trimester classes diin magsugod ang school year sa 2nd half of August.
Medyo may presyo gyud hinoon ang tuition fees apil ang Laboratories. Anaa sa P70k to 85K per semester o sa usa ka school year anaa sa P200k to 232k.
Sa gustong mo-enrol, kinahanglan lang nga nakahuman sa Grade 12 o Senior high. Dili na kinahanglan ang entrance exam apan kinahanglang mopasar sa interview.
