Kompirmado nga gitagbo ni President Rodrigo Duterte ang kapin 100 ka mga sakop sa House of Representatives didto sa Malacañang kagabii, Martes.
Si Cabinet Secretary ug acting presidential spokesperson Karlo Nograles mikompirmar sa meeting apan gihulagway niya kini nga usa ka “informal ug relaxed gathering” uban sa mga Kongresista kinsa sagad nila mga higala sa Presidente.
“It was, for the President, an opportunity to see friends he had not personally seen since the onset of the pandemic due to the restrictions that had been put in place,” matod ni Nograles sa usa ka pamahayag.
Dugang ni Nograles, gipaabot nga dunay susama nga panagtagbo ni Presidente Duterte uban sa mga higala ug alyado karon nga nagkaubos ang mga kaso sa COVID-19.
Wa ilha ni Nograles kinsa ang mga Kongresista nga gi-meeting sa Presidente.
Apan si Deputy Speaker Mikee Romero mipakita sa pipila nga diha pinaagi sa mga hulagway nga gipost sa social media, lakip niini si House Speaker Lord Alan Velasco, taliwa sa mga reports nga mahimo siyang tangtangon kon di suportahan si Go.
Si Romero sa statement miingon nga si Duterte maoy mi-host og casual dinner sa kapin 100 ka congressmen and congresswomen.”
“He [President Duterte] proceeded to thank the 18th Congress for all the legislative support Congress has given his administration,” matod ni Romero.
“In return, leaders of the House, led by Speaker Lord Alan Velasco, thanked the President for all the programs he has coursed through the various representatives of the House,” dugang ni Romero.
📷: Mikee Romero
