Siya ang iro nga si Bayani.
Si Bayani nahimong tinuoray nga bayani human nga iyang na-detect ang 25 kilos nga shabu ilawom sa cartoon nga kargamento sa inahan ug anak nga midunggo sa barko sa Pier 4, Cebu City gikan sa Masbate pasado alas 7 sa buntag karong adlawa, Huwebes, Enero 23, 2025.
Si Bayani, usa ka 5-year-old nga Belgian Malinois dog ug sakop sa K-9 unit sa Philippine Drug Enforcement Agency o PDEA7.
Siya maoy nakatimahu sa illegal nga drugas atol sa random inspection nga gihimo sa Philippine Drug Enforcement Agency sa pantalan sa Pier 4 kaganihang buntag.
Ang inspeksyon miresulta sa pagkasakmit sa 170 million pesos nga balor sa gituohang shabu gikan sa inahan ug anak nga mga pasahero sa barko nga nidunggo sa Cebu gikan sa Masbate.
