Matod ni Lt Col. Gerard Ace Pelare, ang tigpamaba ni PRO7 Director Brig Gen. Anthony Aberin, nga gibutang na sa Police Holding and Accounting Unit (PHAU) ang hepe ug ang 8 ka personnel samtang gipaubos sila sa imbestigasyon.
“The involved personnel are now relieve and placed to PHAU including the former chief of police (Grapa) to oave way to impartial investigation,” asoy ni Pelare.
Nagkanayon si Pelare nga usa palang sa 8 ka mga giingong involved nga mga personnel ang pormal nga nakasuhan human sa pagreklamo sa biktima.
“Right now ang na file-an palang og kaso ang usa sa mga Municipal Drug Enforcement Unit sa Liloan. The case was physical injury,” matod ni Pelare.
Dugang ni Pelare nga gipreparar pa ang administrative charges batok sa mga personnel sa Liloan human nga nagpadayon pa ang imbestigasyon.
Nasayran nga human na relieved si Grapa sa katungdanan, gihulipan kini karon ni Major Eric Gingoyon isip hepe sa Liloan Police Station.
Nasayran nga mireklamo ang Criminology student nga si Jager Campania sa programa ni Senador Raffy Tulfo diin iyang giingon nga at least 7 ka polis ang misulod sa ilang balay niadtong April 18 sa 11:45 pm ug siya gikulata .
Matod ni Campania nga daw hubog ang mga polis nga dunay tawo nga gipangita. Sa dihang iyang giingnan nga mahimong makiha sa violation of domicile kay wa kini warrant nga misulod sa ila, nasuko kini ug siya gikulata sa 2 sa mga polis.
Ang nailhan lang ni Campania mao si SSgt Tabasa.
Si Grapa nga mitingog sab sa programa ni Tulfo miingon nga iyang gi-actionan dayon ang reklamo ni Campania pinaagi sa pagkiha ni Tabasa sa Physical injury ug giparelibuhan.
Apan wa matagbaw si Tulfo ug gusto niyang iapil si Grapa sa imbistigasyon.
Ang hepe sa PNP General Benjamin Acorda mismo mipasalig ni Tulfo nga imbistigahon ang hitabo.
📷Raffy Tulfo YouTube
