GIPAHIBAWO sa Police Regional Office (PRO-7) nga narelibuhan sa pwesto si P/Col. Roderick Mariano isip director sa Cebu Provincial Police Office (CPPO).
Matod ni PRO-7 director P/Brigadier General Albert Ignatius Ferro nga gikan sa Camp Crame ang mando sa pag-relibo kang Mariano gumikan kay aduna kini promotion.
Sigon ni Ferro nga may dako nga position nga nagpaabot kang Mariano sa Chief of Staff ngadto sa kaulohan.
Ang mohulip kang Mariano mao si P/Col. Aladdin Collado nga gikan sa Special Action Force (SAF).
