Kini maoy paghulagway ni Police Regional Office 7 Director Brigadier General Albert Ignatius Ferro kang P/Major Ildefonso Miranda Jr., kinsa gisikop sulod sa iyang buhatan sa Argao Police Station alas 11 kagabii tungod sa pagpagawas-gawas sa 2 ka babayeng priso.
Si Ferro miingon nga mag-atubang og tulo ka kasong criminal si Miranda tungod sa iyang di maayong binuhatan.
Kini mao ang kakapasan sa Article 210 sa Revised Penal Code (direct bribery); Article 156 of RPC o Removing a person in any jail or penal establishment; ug Section 3 sa RA 3019: Corrupt practices of public officers.
Mag-atubang sab siya’g kasong administratiba sa grave misconduct.
Si Miranda igo nalang sa paghilak dihang giduol ni Ferro.
Nasakpan si Miranda sa mga sakop sa Integrity Monitoring and Enforcement Group o IMEG nga iyang gipahigda sa iyang opisina ang 23-anyos nga si Jean Claudia De Gracia Villanueva.
Samtang si Brenda Caminero Cutillar, 40, giingong gihimong masugosugo ug didto gipahigda sa tupad nga kwarto.
Ang 2 polos may kaso sa illegal nga drugas.
