“Wala na makapa-discourage namo,”matod ni international boxing judge Edward Ligas kinsa mao ang lead convernor sa maong grupo atol sa gipahigayon nga press conference kagahapong adlawa (May 26, 2021).
“Cebuanos from all walks in life approached our volunteers and encouraged us. Some even asked what they can give to the movement,”sumala ni Ligas.
Pipila ka mga tarpaulins nga adunay hulagway ni Garcia ug dunay mensahe nga “Gwen Garcia Pagka Senador, Ang Probinsyana” ang gipangbitay sa nagkadiayang lugar sa mga lungsod ug dakbayan sa lalawigan sa Sugbo.
“Wa ko masayod nganong nigasto pa man tawon ni sila paghimo og tarpaulin kay nag-abot-abot na sa Norte ug sa South, dako-dako na tawon na gastoha, ayaw intawon usik-usiki ang inyong kwarta kay wa gyud mahitabo sa inyong tinguha,” matod ni Garcia.
Si Garcia atol sa iyang live press conference didto sa Kapitolyo niadtong niaging adlaw nisubli nga dili siya magpapili pagka-senador sa 2022 elections.
“I am not running for senator. In other words, I am running for governor again. I thought I had made myself clear that I am not interested in any national position. Unsaon pa man na nako og sulti nga motuo mo, niingon na ko lisod biyaan ang Cebu niining panahona, ilabi na kay ang pandemya nakaguba sa atong ekonomiya, pun-an nga dunay ubang polisiya nga mosamot og hatag sa kalisod ug pag-antos sa atong katawhan, kinsa man ang mobarog para sa Sugbo ug sa mga Sugboanon?” matod ni Garcia.
Ang grupo wala pa hinoon makahinabi og personal kang Garcia.
Bisan pa man sa pabalibad n ani Garcia, ang grupo mopadayon gihapon ug gani nagplano nga molusad og petition signing sunod semana diin target nila nga makakuha og usa ka milyon nga pirma pag-awhag kang Garcia nga modagan pagka-senador.
Si Ligas nagkanayon nga dili sila mohunong hangtod nga moabot ang Oktubre 1 ngadto sa 8, ang period sa filing sa certificate of candidacy (COC) alang sa 2022 election ug si Garcia pormal nga molansar pagka-gobernador balik sa Probinsya sa Sugbo.
“From June to October daghan pa ang mahitabo,”matod ni Ligas.
