Ang haya ni Private First Class Jerald Villanueva, 26 anyos, taga Isulan, Sultan Kudarat naa karon gipahiluna sa Camp Rajah Sikatuna sa Carmen, Bohol.
Samtang giila na sa mga awtoridad ang gidudahang rebelde nga napatay sa engkwentro didto sa Barangay Cansumbol, Bilar.
Basi sa voter’s ID nga nakuha sa encounter site, ang napatay mao si Marcelo Tejero Maldos, 55, taga Cantumocad, Loon, Bohol.
Ang mga sakop sa 47th Infantry Battalion sa Philippine Army mihimo og routine patrol pasado alas 9 sa buntag kagahapon sa dihang nasugatan ang 15 ka gidudahang mga rebelde ug nahitabo ang 30 minutos nga engkwentro.
Na-recover sa encounter site ang 2 ka cal. 38, usa ka magnum 357 revolver, mga bala ug daghang mga subversive documents.
(Photo gikan sa Katapatan Batallion 47IB fb page)
