Si Cebu City Councilor Joel Garganera, ang deputy chief implementer sa Cebu City Emergency Operations Center (EOC), miingon nga dili tinuod ang mikatap nga huhungihong nga ibalik ang Cebu City sa mas estrikto nga quarantine protocols.
“There’s no lockdown,”pasalig ni Garganera atol sa press conference nunot sa pagbalik sa Sugbo karong adlawa ni Retired Major General Mel Feliciano, ang deputy chief implementer of sa Inter-Agency Task Force for the Management of Emerging Infectious Disease (IATF-MEID) in the Visayas.
Si Feliciano miingon nga naa pa sa manageable level ang mga kaso sa COVID sa Cebu City.
Matod ni Feliciano nga gihimo karon ang tanan aron mobalik pag-us-os ang mga kaso.
Karong buwan sa Enero, double digit na ang madugang nga kaso matag adlaw.
Ang Department of Health 7 mireport kagabii, Enero 17, 2021, og 44 ka bag-ong kaso.
Ang active cases sa Cebu City naa na sa 613.
