Si Frasco maoy bana ni Tourism Secretary Christina Frasco kinsa nagsilbi pang spokesperson sa bise-presidente atol sa miaging kampanya.
Gawas nga gusto niyang mahatagan og venue si Duterte nga makatubag sa mga pasangil didto sa proper court nga mao ang Senado pinaagi sa impeachment trial, 2 ka dakong rason:
Una, tungod sa katawhan. Dili siya gusto nga marisgo ang mga proyekto ug programa alang sa katawhan sa iyang distrito. Kon di siya mokuyog sa mayoriya, asa mam siya paingon nga ang 2025 election di man mag-usab og presidente. Usa sa iyang mga programa mao ang scholarships sa 16,000 ka mga estudyante, assistance to PWDs, senior citizens, solo parents ug uban pa. Naa sab siyay daghang mga infrastructure projects.
Ikaduha, personal reason: Niadtong July 2023 naay dakong isyu sa LOVE THE PHILIPPINES video nga grabeng gi-bash iyang asawa nga si Christina. Ang nag-bash mao ang mga trolls ug mga pro-Sara vloggers. Nanawag sila ni bise-presidente Sara kay nanghangyo nga ingnan ang mga vloggers niya nga ipahunong, apan mibalibad si Sara. Nanghangyo Christina nga mopagawas og statement of support ang VP apan wala mao nga nasagmuyo sila.
Sigon ni Frasco nga paglabay sa usa ka buwan human niadtong maong isyu (August 2023), mibisita si Sara sa Danao sa mga Durano nga higpit nga kontra sa politika sa mga Frasco apan wa gyud sila pahibaw-a.
Dugang niya nga July 2024 nibalik si Sara sa 5th District ngadto gihapon sa mga kontra nila sa politika apan wa sila imbitaha ug pahibaw-a.
📹 courtesy of Duke Frasco fb
