Una unta’ng plano sa senador nga tuki-on lang kon may nalapas ba ang ABS-CBN sa terms and conditions sa ilang franchise human nga misang-at og quo warranto petition si Solicitor General Jose Calida aron irevoke ang prangkisa sa network.
“Actually, alam mo nagpalit na yung isip ko eh. Sa tingin ko, didinigin na natin mismo ang prangkisa,” sigon ni Poe atol sa press briefing Lunes sa hapon.
Matod ni Poe angayang madunggan ang habig sa network taliwa sa daghang mga isyu kalabot sa ilang operasyon.
Alang ni Poe, nahitaya niining maong isyu mao ang 11,000 ka mga empleyado nga mahimong mawad-an og trabaho kon dili mapasar ang franchise renewal.
Sigon ni Senate Majority Leader Juan Miguel Zubiri, ang komitiba ni Poe motuki sa franchise renewal sa ABS-CBN karong Pebrero 27.
Ang House of Representatives wa gyod motakda og hearing bisan pa kon dunay 11 ka pending nga mga bills alang sa franchise renewal.
Matod ni Poe nga wa siyay tuyo nga i-pressure ang House of Representatives.
“We respect Congress… That’s why I respectfully delayed hearings here in the Senate, hoping they would calendar it. My intention is not to pressure them (House) to do anything that is against their will because that is their right. But on the other hand, we expect our representatives to act on a timely manner,” pasabot ni Poe.
