Nagka-engkwentro diay ang tropa sa mga sundawo nga sakop sa 47th Infantry Battalion sa Philippine Army ug mga gidudahang sakop sa New People’s Army.
Matod ni 47th IB spokesperson 1st Lt. Elma Grace Remonde-Abulencia, atol sa dyLA interview nga gibanabanang 11 ka mga rebelde ang nakigpinusilay sa tropa sa mga sundawo sa sitio Langub, nga nahimutang sa gamay nga bukid sa barangay nga dili ra sab layo sa highway.
Ang tropa sa 47th IB miadto sa area kay magpatrolya human makadawat og taho sa mga molopyo kalabut sa presensya sa mga rebelde.
Gikompirmar ni Abulencia nga naugkat nila karon ang 5 ka patayng lawas sa mga gidudahang sakop sa NPA.
Ang sundawo nga naigo sa upper body naa na sa luwas nga kahimtang sa ospital.
Na-recover sab nila ang mga armas sa M16 armalite rifle ug .45 caliber pistol.
Pagkakaron, ang mga sundawo mihimo og clearing operation sa area.
(Contributed photo)
