Ang survey usa ka paagi pagkuha og data gikan sa grupo sa mga tawo aron masabtan ang ilang opinion, kinaiya o batasan.
Basi niana, kon unsay kadaghanan nga kagustohan sa mga tawo, mao na sab kini ang sundon nga desisyon sa uban.
Sa pikas bahin, ang research o PANUKIDUKI, usa ka systematiko nga pakisusi ug pagtuon aron masuta ang kamatuoran ug makakab-ot og hustong hukom.
One important thing that we learned from school is to conduct research. For us to become more knowledgeable and avoid committing mistakes, do a research. That’s why, research plays vital role in our lives.
Panukiduki sa mga butang nga wa nimo masayri aron makalikay ka paghimo og sayop nga decision sa imong kinabuhi o aron makakuha og solosyon sa mga problema.
Kon ganahan ka nga mobakasyon sa usa ka dapit, manukiduki ka gyod kon unsa ang imong adtoan aron di ka magmahay sa imong padulngan.
Bisan sa mga tigbalita o sa media, importante ang research aron dili ka masayop sa imong facts. Dili ka magpataka paghatag og impormasyon nga wa diay basihanan.
Di ba kon makadungog mo og komentarista sa radio nga pataka lang og ngalngal, ang inyong matuaw samtang naminaw, ahh… wa gyo’y research ang maong magsisibya.
Sa dihang mitumaw ang COVID-19 sa late 2019 sa China ug mikatap sa tibuok kalibutan, dako kaayo’g role ang mga researchers pagpangita og bakuna aron mahunong ang epidemya.
Bisan sa atong personal nga kinabuhi, importante ang research.
Kon motinguha ka nga magminyo, manukiduki gyod ka kon unsa may background sa imong pakaslan kay basin kini og taspukan, tapulan, ngil-ad og batasan, way hibangkaagan o kaha dili ikabilin og pinuy-anan.
Karong adlawa, magsugod ang campaign period alang sa nasodnong posisyon sama sa pagka-senador ug partylist groups.
Sigon sa atong panukiduki pinasikad sab sa data sa Commission on elections, adunay 66 ka Senatorial candidates nga magpapili alang sa 12 ka lingkuranan nga ilugan.
Dunay mga reelectionists o mga incumbent senators nga gusto nga makaangkon og laing termino, naa ang gitawag og mga returning o mga kanhi senador nga gustong mobalik, mga kanhi government officials, mga kandidato nga gipaluyohan og mga partido, mga personalidad gikan sa ilang tagsatagsa ka han-ay sama sa entertainment, ug duna sa’y mga professionals apan dili lang ilado, ug dunay nagsalig lang sa ilang apilyido.
Sa partylist groups, adunay 155 ka grupo nga mokuyog sa kampanya aron makakuha og at least usa gikan sa 63 ka lingkuranan para sa partylist representatives sa incoming nga 20th Congress.
Kini naglangkob og 20 percent sa total membership sa House of Representatives nga gimando sa Republic Act No. 7941 or the Party-List Act.
Aduna kita’y tulo ka buwan aron mohimo sa sa hustong desisyon sa dili pa ang May 12 election.
Ang pangutana nga atong tubagon, kinsa man kanila ang takus sa atong pagsalig aron atong ibuto sa election day?
Samtang nagkaduol ang election, sunodsunod sab nga nanggawas ang survey results. Kagahapon lang, ang PULSE ASIA mipagawas og survey nga nagpakita kon kinsay mga probable winners sa pagka-senador.
Susamang mga apilyido, mga kasamtangang senador, mga mibalik nga senador, sikat ug tang-an nga politiko.
Sila man tuod ang nag-una sa survey, apan wa kana magpasabot nga sila gyoy takus nga mangalagad.
Wa magpasabot nga kay gusto sa kadaghanan, sila na maoy haum sa posisyon nga ilang gidaganan.
Ang pangutana, unsa may nahimo nianang mga tawhana sa ilang daghang katuigan sa pang-gobiyerno? Unsa may ilang credentials? Unsa may ilang binuhatan? Ug labaw sa tanan, unsa man kahay mahimo nila kon naa na sila sa Senado mga makatabang natong mga yanong Filipino?
An election can be likened to a multiple choice examination. Dili ka makakuha sa hustong tubag pinasikad sa survey o sa pagpangopya sa gusto sa kadaghanan, kon dili pinaagi gyod sa imong panukiduki o research.
Daghang Salamat
Photo: PNA
