Ang grupo nila ni Cebu City Police Office P/Col. Josefino Ligan ug P/Major Randy Caballes kinsa maoy hepe sa City Intelligence Unit uban sa Regional Intelligence Division 7 (RID7) midakop sab sa 3 ka gidudahang mga high value individuals sa illegal drug trade nga maoy nagdala sa 7 ka kilong shabu.
Ang mga nadakpan mao sila si Rolando Ondoy Romeo alyas Lando, 32; igsuon nga si Edward Ondoy Romeo, 24; ug Calvin Valdez, 42; nga pulos taga Andres Abellana Extension, Guadalupe, Cebu City.
Si Valdez maoy driver sa Toyota Vios nga gikargahan sa shabu aron ideliver sa usa ka poseur buyer, kinsa maoy gigamit sa buybust operation sa kapolisan.
Nahibaw-an nga si Valdez bana sa usa ka nurse nga nagtrabaho sa usa ka government hospital.
Si Police Brig. General Albert Ignatius Ferro, hepe sa Police Regional Office 7, miingon nga ang shabu nga gisulod og mga tea bags, giingong gikan sa San Carlos City, Negros Occidental ug gisakay og barko agi sa Toledo City port.
Giingon sa kapolisan nga ang shabu iya sa drug personality Rustico Ygot, kinsa napriso na sa Zambonga Penal Farm.
Matod usab ni Col. Ligan, ang shabu naka-address kang Rolando kinsa maoy tigkuha sa Toledo City port.
Duha ka buwan ang pagpaniid sa delivery sa shabu ni Ygot ug nasuta nga si Rolando maoy tigkuha.
Si Galvez sa iyang bahin miingon nga wa gyud silay kalibutan nga shabu ba ang ilang gikuha nga kargamento.
Si Mayor Labella miadto sa area ug mipahalipay sa mga polis.
“I commend the Police Regional Office 7 with General Albert Ignatius Ferro as regional director and CCPO Director Josefino Ligan for this accomplishment. Even if we are still fighting the invisible enemy, Cebu City will not stop in its fight against illegal drugs,” si Mayor Labella namahayag niini sa report sa Cebu City Public Information Office.
(Photo: courtesy of Cebu City Public Information Office fb page)
