Matod ni Dr. Mary Jean Loreche, ang tigpamaba sa Department of Health (DOH-7), nga ang maong mga bakuna alang sa mga medical staff sa mga level 3 nga private ug public nga tambalanan.
“Sa atong allocation sa niabot nga 17,480 doses, actually this will involve the private and government also,”matod ni Loreche.
Ang uban sa maong mga bakuna gihatod dayon og sugod pinaagi sa mga fastcraft ngadto sa ubang probinsiya sa Central Visayas.
Si Loreche nagkanayon nga apil sa magahinan sa mga bakuna ang mga medical frontliners sa Siquijor, Bohol ug Negros Oriental.
Matod ni Loreche nga sa Bohol anaa sa 6,576 ka doses ang gigahin; Siquijor 28 doses; Cebu 4,954 doses; Negros Oriental 2,735 doses ug Cebu City 9,183 doses.
“If you look at it, ang total number of healthcare workers nato nga naa sa hospitals, including sa infirmaries, we really need for two doses already, a total of around 60,000 doses,”matod ni Loreche.
Sa mga mosunod nga adlaw, gipaabot nga duna pa’y dugang bakuna alang sa mga level 2 ug level 1 nga hospitals ug kadtong anaa sa mga isolation faclities.
Si Loreche kinsa maoy usa sa mga una nga nagpabakuna niadtong Marso 4, 2021 sa Sinovac vaccine uban nila ni VSMMC chief Dr. Gerardo Aquino, Major General Melquiades Feliciano kinsa mao ang Chief Implementer sa IATF Central Visayas ug uban pa nga hospital staff, nagkanayon nga wala ra siya’y gipamati human nga gibakunahan.
“I don’t feel any untoward events even after vaccination. It’s been almost 24, except sa a little pain sa injection side. I don’t have nausea, vomitting or feeling of weakness headache, wala siya,” matod ni Loreche.
Dugang sa tigpamaba sa DOH-7 nga iya pud gikumusta ang pipila sa mga hospital staff sa VSMMC nga nagpabakuna niadtong niaging adlaw ug matod pa wala kini mangreklamo sa ilang gipamati human gibakunahan.
Matod ni Loreche nga anaa sa 500 ka hospital staff sa VSMMC ang gibakunahan karong adlawa.
Unang niabot sa Sugbo ang 7,200 doses sa Sinovac vaccines o CoronaVac niadtong Marso 2 alang sa mga medical frontliners sa VSMMC.
Ang sobra sa VSMMC nga mga vaccines iapod-apod ngadto sa ubang health facilities nga gidumala sa DOH.
“We will use that with the substituted master list for other DOH maintained hospitals namely, Eversely Childs Sanitarium and General Hospital and St. Anthony Mother and Child Hospital and of course Talsiay District hospital,”matod ni Loreche.
Gitataw usab ni Loreche nga wala moapil pagpabakuna si DOH-7 regional director Dr. Jaime Bernadas tungod kay 62 anyos na kini ug lapas na sa age limit sa angay nga bakunahan sa Sinovac.
“He really wanted to, as a matter of fat we even had to submit a personal letter request to the central office not allow him to be vaccinated, but then again, the answer was no kay again based on the guidelines it’s only up to 59 years of age,” matod ni Loreche. / Le Phyllis F. Antojado
