Ang Philippine Atmospheric, Geophysical and Astronomical Services Administration o PAGASA mipahibawo nga natapos na ang northeast monsoon o amihan.
Niini, nagtimaan sab kini nga nagsugod na ang ting-init o dry season.
“The gradual shift of wind direction from northeasterly to easterly over most parts of the
country due to the establishment of the High Pressure Area (HPA) over the
Northwestern Pacific Ocean signifies the termination of the Northeast Monsoon
and the start of dry season,”sigon sa pamahayag sa PAGASA.
Si PAGASA Mactan weather specialist Jhomer Eclarino sa dyLA 909 KHZ interview, miingon nga molanat sa ikaduha o ikatulo ka semana sa Mayo ang ting-init.
May uwan hinoon apan menos na kaayo, dugang ni Eclarino.
Giawhag ang publiko nga moinom kanunay og tubig ug magdala og payong o unsa man nga ikasagang sa kainit sa adlaw labi pa sa oras alas 10 a.m. hangtod sa alas 3 p.m.
