DOLE manghatag og bisekleta, cellphone ug uban pa sa mga bakunado nga trabahante

Ang Department of Labor and Employment (DOLE) pinaagi sa Bureau of Workers with Special Concerns (BWSC) gipaabot nga manghatag og 2,000 ka bisekleta isip incentive sa mga trabahante nga fully-vaccinated o hingpit nang nakadawat sa duha ka doses sa bakuna sugod karong Hulyo 1, 2021.

Matod ni Labor Secretary Silvestre Bello III nga ilang gilusad ang “Baksikleta” program, diin 1,000 ka bisekleta ang ihatag sa mga bakunado nga trabahante sa Metro Manila ug laing 1,000 ka bisekleta sa ubang mga regions sa nasod.

Pagdasig kini sa mga trabahante nga magpabakuna ug tabang sab nila karon sa pandemya.

“If you get vaccinated with two doses, we will give you a bicycle unit. That is your reward once you show us proof of getting two doses,” pasabot ni Bello.

Gawas sa bisekleta, ubanan pa gyod kini og helmet, raincoat, water bottle, thermal bag, ug Android mobile phone nga dunay P5,000 load.

“Those workers under the A4 category, who have fully received the vaccines will be given a free bicycle, which the beneficiary can use to start his/her business. It also comes with a cellphone with PHP5,000 worth of load. That is your reward if you show us that you already received two doses of the vaccine starting July 1,” dugang ni Bello.

Ang mga trabahante nga sakop sa A4 category apil na sa bakunahan sugod niadtong Hunyo 7.

Alang sa gustong makaapil sa programa, giawhag lang ang trabahante nga motawag sa DOLE hotline 1349 o sa BWSC’s social media account.