Matod ni DOLE Secretary Silvestre Bello III nga dili nila idefer ang pagpanghatag niini ug dili sab i-exempt ang bisan unsang kompaniya sa paghatag sa 13th month pay bisan naglisod ang mga kompaniya tungod sa coronavirus pandemic.
Sa iyang pamahayag atol sa Laging Handa public briefing, matod ni Bello nga ang DOLE moluwat sa kamandoan ugmang adlawa, Biyernes, kalabot sa 13th month pay.
Unang miingon si Bello nga ang implementing rules and regulations sa balaod nag-exempt sa mga “distressed” companies paghatag sa 13th month pay apan kon siyay pagbut-on, mas maayong ilangay o idefer lang ang paghatag sa mga distressed companies.
Apan mialma ang Associated Labor Unions (ALU) ug ubang labor groups kay alang nila, illegal kini kay sa balaod, wa may giingon nga exemption o deferment.
Ang Presidential Decree No. 851 nagmando sa payment sa 13th month pay matag tuig, atol o sa dili pa ang December 24.
Sa interview ni Bello karong adlawa, miklaro siya nga way postponement o deferment.
“We will not postpone, we will not defer and we will not give any exemption to the payment of the 13th month pay.”
“The law says pay the workers their 13th month pay on or before Dec. 24. Iyan ang ipapatupad ng Department of Labor,” dugang niya.
Ang DOLE hinoon nagtinguha nga ang micro and small enterprises makahatag sa 13th month pay pinaagi sa government subsidy.
