NAAPIL sa pagkasunog sa iyang balay ang usa ka 80-anyos nga Doctor ug 71-anyos nga katabang sa Barangay Sambag 1, Cebu City pasado alas 11:00 kagabii, Oct. 4, 2020.
Matod ni Cebu City Disaster Risk Reduction Managment Office (CCDRRMO) head Ramil Ayuman nga 11:30 kagabii nadawat ang alarma sa sunog diha sa J Alcantara St., Sambag 1.
Ang panimalay gipanag-iya ni Dr. Glenda Mayol-Neri nga nakalas sa maong insidente.
Namatay usab sa sunog ang iyang katabang nga si Francisca Formentera, 71 anyos.
Sigon ni Ayuman nga bisan 12 minutos nakontrolar na ang kayo, apan na-trap sa panimalay ang doktora ug si Formentera.
Nangapaso ug nasamdan sab ang duha ka sibilyan ug usa ka fire volunteer atol sa sunog.
Nikabat ngadto sa P4.8 million ang danyos sa maong sunog diin aduna usab tulo ka pamilya ang apektado.
Photo credits to CCDRRMO Chief Ramil Ayuman
