Si Interior Secretary Eduardo Año mitug-an sa usa ka radio interview sa kaulohan nga dunay “fact-finding” probe nga ilusad sa tourism activity nga gitambungan ni presidential spokesperson Harry Roque.
Ang kalihukan nga kabahin sa SuroySuroy Sugbo- Santa Fe, Madridejos, Bantayan Escapade- nakaangkon og mga pagsaway tungod kay wa gyod masubay ang physical distancing.
“We will make sure na magkaroon ng fact-finding diyan at kung merong dapat managot ay titignan namin,”matod ni Año.
Apil sab nga susihon ang laing kalihukan ni Senador Manny Pacquiao sa Batangas nga daghan gihapong tawo ug wa masunod ang social distancing.
“Nananawagan tayo sa lahat, including government officials, kung may activities kayo na hindi niyo kayang ipatupad ang health standards, particularly physical distancing, stop it. Wag niyo nang ituloy yan, kasi you cannot just say sorry kung hindi na-control,”sigon ni Año.
Sa iyang bahin, andam mo-cooperate ang lungsod sa Madridejos sa himoon unya nga imbestigasyon sa DILG.
Matod ni Madridejos Mayor Salvador Dela Fuente nga “okay ra” kung adunay himooon nga imbestigasyon.
Hinoon iyang gisaad nga wala na’y susamang panghitabo sa sunod kun ugaling adunay laing SUroysuroy Sugbo nga ipahigayon didto sa isla.
Photo: Le Antojado
