Mao kini ang reaction sa CTU-ARGAO Magna Cum Laude graduate Fritzie Mae Sarona Unabia kinsa Top 1 sa March 2023 Licensure Examination for Teachers (LET) Elementary level.
Sa iyang mensahe sa DYLA, SI Unabia miingon nga gamhanan gyud ang pangaliya ngadto sa Ginoo.
“I am very honored to be one of the Topnotchers karon Sir. I worked hard for it, my parents supported me, and my friends believed in me. I am really grateful nga usa ko sa mga nitop 1. Do not underestimate the power of prayers jud. Grabe kaayo, God is really good all the time💕,”sigon ni Unabia sa dyLA.
Si Unabia, 22 anyos, lumad nga taga Simala, Sibonga, Cebu ug mitungha sa CTU-Argao Campus.
Anak siya nila ni Mr. Richard C. Unabia nga usa ka seaman ug Mrs. Roselyn S. Unabia nga usa sab ka maestra.
Kon nganong mikuha siya sa kurso pagka-magtutudlo tungod kay damgo kini sa iyang inahan.
“Gikuha nako ni nga course because it is a dream of my mother and also because nalove na sad nako ang pagtudlo,”dugang niya.
Nagpasalamat sab siya sa tanang mga mipahalipay niya sa iyang kalamposan.
“Thank you sa tanang nimessage. I can’t reply to everyone for now, pero salamat kaayo. Thank you God!”
📷 courtesy of Fritzie Mae Unabia
