DUGANG 77 ka kaso sa coronavirus disease o COVID-19 ang natala sa Pilipinas karong adlawa.
Nagpasabot kini og kinatibuk-ang 307 ka kaso sa COVID-19, sigon ni Health Undersecretary Maria Rosario Vergeire.
May usa sab ka pasyente nga namatay nga mao ang 73-anyos nga babaye gikan sa San Juan City kinsa walay travel history o exposure gikan sa ubang COVID cases.
Ang maong babaye maoy ika-19 nga namatay, matod ni Vergeire.
Ang good news mao nga may 5 ka pasyente nga naayo na. Ang gidaghanon sa mga naayo naa na sa 13.
Ang DOH mipasalig nga paspasan ang pagpahigayon og testing pinaagi sa dugang laboratories nga ablihan.
