Ang Department of Health Central Visayas Center for Health Development (DOH CVCHD) pinaagi sa Vicente Sotto Memorial Medical Center Sub-National Laboratory (VSMMC SNL) mipagawas og 153 ka test results alas 5 karong hapon (Abril 21).
Sa maong test results, 12 niini ang migawas nga positibo.
Gumikan niini, misaka na ngadto sa 203 ang total cases sa rehiyon 7.
Ang good news kay may dugang usa ka pasyente nga naayo. Miabot na og 24 ang total recoveries o laboratory negative sa Central Visayas.
Sa 12 ka mga kaso, 7 niini ang gikan sa Cebu City; 3 sa Mandaue City ug 2 sa LapuLapu City.
Ang Cebu City dunay total 173 cases; ang Lapulapu City dunay total 13 cases ug ang Mandaue City adunay 9.
Walay nadugang sa mga probinsya sa Cebu, Bohol ug Negros Oriental.
Ang Siquijor nagpabiling walay documented case sa COVID-19.
