Pinasikad sa warrant of arrest, nadakpan kaganinang buntag (Pebrero 20, 2020) sa mga sakop sa Cebu City Mobile Force Company (CMFC) ang 23-anyos nga construction worker nga gikatahong nanglugos og menor de edad niadtong tuig 2017.
Nagtingkagol karon sa prisohan sa Cebu City Police Office (CCPO) ang construction worker sa Daanbantayan nga si Ariel Cuyos kinsa nasikop sa Brgy Talamban, Cebu City.
Matod ni Lt. Col. Randy Korret ang hepe sa CMFC nga 15-anyos nga dalagita ang giingong gi-rape ni Cuyos niadtong 2017.
Apan sa pakighinabi sa suspetsado, gisalikway ni Cuyos ang maong pasangil.
Miinsistir siya nga inosente ug wa siya manglugos og menor de edad.
