Matod ni Atty Ferdinand Gujilde, ang legal officer ug tigpamaba sa Comelec-7, nga kini gibasehan nila ang mga niaging eleksyon ug ang kasamtangan nga sitwasyon sa pulitika sa maong mga lugar nga initial nilang gikonsiderar nga hotspot.
Apan sigon ni Gujilde nga gipaubos pa kini sa evaluation sa Comelec ug sa mga law enforcement agencies.
“Dunay pipila ka mga lugar ang gibutang sa election watchlist. Pero they’re still subject to continuing evaluation,” asoy ni Atty. Gujilde.
Nagkanayon si Gujilde nga sa pagkakaron dili pa kahatag ang Comelec og estimation kun pila ka mga lugar dinhi sa Rehiyon 7 ang ilahang gitanaw nga posible nga mapaubos sa EWAS.
“Wa pa ta’y klaro nga number pero ako estimate lang I think very few dinhi sa province of Cebu, maybe in Negros (Oriental),and also in Bohol. But still subject to evaluation,” dugang ni Gujilde.
Ugmang adlawa adunay ipahigayon nga Regional Joint Security Control diin uban sa Comelec-7 ang Police Regional Office sa Central Visayas (PRO-7) ug AFP-Visayas Command diin dinhi pagahisgutan ang mga lugar nga posible mabutang sa election watchlist lakip na usab ang paglatag sa plano sa seguridad sa piniliay karong buwan sa Mayo.
Samtang sa pagsugod na sa pagpangampanya, subling nipahinumdom karon ang kadagkuan sa Commission on Election ngadto sa mga kandidato nga kinahanglan gyud sila mokuha og mga permiso sa ilahang ipahigayon nga in-person campaign
Kini isip tugon ug pagsiguro nga luwas gihapon ang pagpangampanya nunot sa nagpadayon nga hulga sa coronavirus disease 2019 (COVID19).
Matod ni Atty. Gujilde nga aduna na silay naumol nga Regional Comelec Campaign Center diin adto ipang-sumbit ang tanang aplikasyon sa pagpangampanya.
Diin gilangkuban kini sa Department of Health, Department of Interior and Local Government (DILG), AFP, ug sa PNP nga mao ang maghatag og permiso.
Sigon ni Gujilde nga adunay mga lokal nga municipal ug city COmelec Campaign centers ang kada lungsod ug dakbayan dinhi sa rehiyon.
Dugang pahinumdom sa Comelec nga gibawala ng house-to-house,paglamano, ug apil na ang pag-selfie uban ang kandidato.
“They cannot get inside the dwelling maski nga moingon ang tagiya nga ‘sulod mo’. Di gyud na pwede. No handshakes, no crowding, no hugging, and no kissing at all,” matod ni Gujilde.
Sa pikas balita, gilusad karon sa Police Regional Office sa Central Visayas (PRO-7) ang ilahang programa nga gitawag og Kasimbayanan diin nagsaad kini uban sa laing mga sektor nga mamahimong “secure, accurate, free, and fair” ang national ug local election dinhi sa Rehiyon 7 karong’ tuiga.
Uban sa PRO-7 sa pagpirma sa Pledge of Commitment alang sa luwas ug malinawon nga piniliay mao ang Comelec-7, AFP-Visayas Command, mga religious sectors, Parish Pastoral Council For Responsible Voting, National Citizen’s Movement for Free Elections, ug uban nga mga ahensya sa gobyerno.
Sa iyahang speech, gipanumpa ni PRO-7 director Brig Gen. Roque Eduardo Vega nga samtang ilahang gipanghingusgan ang ilahang kampanya batok illegal drugas ug mga krimen, nga ilaha usab karon panghingusgan ilahang mga lakang nga makasiguro nga mamahimong luwas, hapsay, ug oatas ang May 2022 election
Mapasalamaton usab si Atty. Ferdinand Gujilde, ang legal officer sa Comelec-7, sa kapulisan sa ilahang initiative sa pagmugna sa maong programa diin sigon sa official nga ang malinawon ug hapsay nga eleksyon dili lang kini responsibilidad sa mga law enforcemebt agency kun sili lakip na ang mfa lain laing sector ug ilabi na sa publiko.