Sigon sa ilang official statement, ang mga medical experts sa Chong Hua mohatag lang sa labing maayo nga pag-atiman sa mga pasyente ug ang ilang record sa kapin 100.ka tuig maoy magmatuod niini.
Matod sa Chong Hua nga ang 2 ka doctor nga miatiman sa Garcia brothers polos espesyalista sa ilang fields ingon man mga reputable ug outstanding doctors.
Giklaro sa hospital nga ang medical team nila mibasi kanunay globally-accepted ug clinically-established procedures nga ilang i-apply kon unsay diagnosis sa pasyente.
Apan samtang determinado sila sa pagsalbar og kinabuhi, usahay moresulta sa kapakyasan ug ang maong sitwasyon makapasubo ug makapaguol sab nila.
Bisan niini, sigon sa Chong Hua, dili unta kini himoong rason aron wagtangon ang pagsalig sa science ug medesina.
Mipadangat ang Chong Hua og pahasubo sa pamilyang Garcia sa kamatayon sa 2 ka Garcia brothers.
Wa man nganli nila ni Gov. Gwendolyn Garcia ug 3rd district Rep. Pablo John Garcia ang Chong Hua sa ilang presscon kagahapon, apan ginganlan man sa mga previous reportz nga didto sa ilang ospital naadmit ug namatay si Nelson ug Marlon.
Sigon sa Gobernador ug ni Congressman Oablo John, mikonsulta sila sa mga experts pagsuta kon husto ba ang pamaagi sa ospital pag-atiman ug pagdapat sa tambal sa 2 nila ka igsuon nga nagsunod og kamatay human matapti sa COVID-19.
Matod sa Chong Hua andam sila nga makig-dialogue sa pamilyang Garcia aron matubag ang ilang mga pangutana.
