PINAAGI sa tabang ni Talisay City Mayor Samsam Gullas, nakauban na og balik sa Sugboanon nga seaman ang iyang ginikanan nga sila si Liza ug Warlito Villanueva kaganihang buntag, Abril 23, 2021.
Si Jojie maoy usa sa pito sa mga naluwas nga tripolante human masangad ang LCT Cebu Great Ocean sa baybayon sa Barangay Cantapoy, Malimono, Surigao del Norte tungod sa bagyong Bising niadtong Lunes sa hapon, April 19, 2021.
Upat sab ka tripolante ang namatay, lakip sa duha ka Sugbuanon, Gani, ang usa nila nga si Norman Galon nauli na sab ang patayng lawas dinhi sa Sugbo karong adlawa. Sigon sa Philippine Coast Guard, dunay 9 pa ka crew nga missing.
Human mabaniog nga naluwas si Jojie Villanueva human naka-survive sa dagkong bawod sulod sa duha ka adlaw samtang nag-abay sa iyang life vest, dali nga gi-contact ni Mayor Gullas ang ginikanan sa tripolante nga taga barangay Linao, Talisay City.
Nakig-coordinate sab si Gullas sa tag-iya sa Cokaliong Shipping Lines aron makasakay ang ginikanan ni Jojie paingon sa Surigao del Norte.
“I felt so relieved when I saw this picture this morning.Since yesterday, I was hoping that finally magkakita na sila ni Jojie and his parents. Since our meeting yesterday, my staff personally brought Liza and Warlito Villanueva to the Cebu City Pier so they can catch the boat to Surigao City. Again, dako nakong pasalamat to Cokaliong Shipping Lines Inc, particularly to my good friend Chase Cokaliong, nga nicommit to let Liza and Warlito ride on one of their vessels to Surigao City for free. Nicommit sad siya nga libre ilang sakay kuyog ni Jojie once they come home to Cebu. Upon receiving this picture, nalipay ko that they arrived safely sa Surigao City and they were able to reunite with Jojie at the Caraga Regional District Hospital,”sigon sa mayor sa iyang Facebook post.
(Photo: Gikan sa FB page ni Mayor Samsam Gullas)
