ANG Cebu City, Lapu-Lapu City, Mandaue City, Bohol, Cebu, Negros Oriental ug Siquijor sa Region VII ubos na sa COVID-19 ALERT LEVEL 2 gikan sa Feb. 16 to 28, 2022.
Kini giaprobahan karong adlawa aa Inter-Agency Task Force for the Management of Emerging Infectious Diseases (IATF-MEID).
Ang Acting Spokesperson ug Cabinet Secretary Karlo Nograles mipahibawo sab nga ipabilin sa Alert Level 2 status ang National Capital Region (NCR) o Metro Manila.
Pito sab ka dapit ang ubos sa Alert Level 3 tungod sa daghan pa nga COVID-19 cases: Iloilo City, Iloilo Province ug Guimaras in Region VI; Zamboanga City sa Region IX; Davao de Oro ug Davao Occidental sa Region XI; ug South Cotabato sa Region XII.
Sa Cebu City, sigon ni Emergency Operations Center Deputy Chief Implementer Cebu City Councilor Joel Garganera miingon nga ubos na gyud ang mga kaso sa Cebu City ug ang positivity rate naa nalang sa ubos 10 percent.
Sa Mandaue City, si Mayor Jonas Cortes miingon nga ang curfew sa dakbayan iyang libkason.
Ang curfew karon sa maong Siyudad magsugod og alas 11 sa gabii hangtod alas 4 sa buntag.
“Daghan ang mga negosyo ug mga empleyado dinhi sa dakbayan ang naglisod og recover ilabi na nga anaa pa ta’y gipatuman nga curfew. Karon nga gipaubos na ta sa alert level 2, atoa nang wagtangon ang curfew para sa tibuok Dakbayan sa Mandaue,” matod sa Mayor.
