Nadakin-as si Cebu Governor Gwendolyn Garcia sa iyang panimalay niadtong Sabado, Agosto 15, hinungdan nga nga adunay fracture ang iyang bat-ang.

Si Dr. Christina Giango, ang pangulo sa Provincial Health Office, nagkanayon nga niadto si Garcia sa Cebu Orthopaedic Institute human sa maong insidente aron magpa-check-up ug magpa-x-ray.

“Unya ang diagnosis is caused by bipolar hemiarthoplasty left hip (stable) osteoporosis, fracture , closed, complete, undisplaced greater trochanter left. Naay fracture pero dili serious ang fracture, gamay ra nga fracture sa iyang hip” matod ni Giango.

Si Giango nagkanayon nga giabisohan ang gobernador sa iyang doctor nga mogamit og walker sulod sa unom ka semana ug cane sa duha ka semana.

Matod ni Giango nga wala siyay detalye kon asa dapit sa balay ni Garcia ug unsang pagkahitaboa nga nadakin-as ang gboernadora.

Si Garcia mopaubos usab og physical therapy.

Ugmang adlawa, Martes, gikatakda nga mobalik na og trabaho ang gobernador.

Unang na-fracture si Garcia sa iyang wala gihapon nga bat-ang sa miaging katuigan apan matod ni Giango wala ra kini maunsa sa pagkadakin-as sa gobernador niadtong Sabado.