Sigon sa PAGASA Mactan weather forecaster Jhomer Eclarino nga ang bagyong Ulysses nagpaingon sa Bicol region, nga bag-o giigo sa supertyphoon Rolly.
Basi sab sa weather bulletin sa PAGASA alas 11 karong odto (November 9, 2020), ang bagyo mas mokusog kini hangtod sa typhoon category sa dili pa maka-landfall sa Bicol region-Quezon area karong Miyerkules.
“Ulysses is forecast to further intensify and is likely to reach Tropical Storm category within 24 hours. It may reach Typhoon category on Wednesday prior to landfall,”matod sa PAGASA.
Pagkakaron, naa pa sa tropical depression category ang bagyo ug makaapekto na kini ugma, Martes sa Eastern Visayas ug Bicol region.
Sigon sa PAGASA, ang bagyong Ulysses naa kini sa 635 km East Northeast of Surigao City, Surigao del Norte or 605 km East of Borongan City, Eastern Samar alas 10 a.m. karong adlawa, Lunes.
Adunay gidala nga hangin nga moabot sa 55 km/h duol sa tungatunga ug pag-unos hangtod sa 70 km/h.
Nag-irog kini sa Northwestward direction sa gikusgon nga 40 km/h.
