Si Mayor Labella mismo giingong maoy midumili nga moresign.
Sa presscon sa pamilya, nangangkon ang anak nga ilang gipangutana ang mayor kon moresign.
“Ang iyang tubag DILI SIYA MORESIGN KAY DAGHAN PA KONO SIYA’G TABANGUNON NGA MGA TAWO. And we the Immediate family will always support him,”sigon sa anak nga si Jaypee.
Sa ilang official statement, ang pamilya miingon nga isalig una sa mayor ngadto kang Acting Mayor Michael Rama ang renda sa City Hall samtang nagpaayo kini sa ospital.
Sa kasamtangan, nanghangyo ang pamilya sa publiko nga ipangaliya ang iyang recovery aron mapadayon ang iyang tahas nga gipanumpaan.
“The mayor is no longer seeking reelection. In the few remaining months of his term, Mayor Labella wishes, more than anything, to be able to see through all the programs and projects he started during his term, to its end. That is the legacy he wants to leave behind to the people of the City of Cebu,”sigon sa pamilya.
Gikompirmar sa pamilya sa ilang pag-atubang sa media nga ang mayor naadmit sa usa ka private hospital tungod sa laing episode sa pneumonia.
Ila sab nga gikompirmar nga nasulod si Labella sa ICU pipila ka adlaw ang milabay tungod sa timailhan nga nakasinati kini og minor sepsis.
“Fortunately, this was prevented and he has already been taken into a private room where he is currently recuperating and recovering,”sigon sa statement sa pamilya.
Ang pamilya miingon nga maong mipaubos sa indefinite leave of absence ang mayor aron matutokan ang hingpit niyang pagkaayo apan kinahanglan silang transparent sa panglawas sa mayor.
Ilang giangkon nga 12 ka tuig ang milabay, na-diagnosed si Labella nga dunay prostate cancer apan natambalan kini ug na-cleared na niini.
Sa pagdagan niya pagka-mayor niadtong 2019, sigon sa pamilya, maayo ra gyod ang iyang panglawas.
Nagtuo sila nga isip neophyte mayor ug miabot ang pandemya diin non-stop iyang trabaho, maoy nakaingon nga apiktado iyang panglawas.
Matod sa pamilya nga gibantayan sa doctor ang iyang prostate-specific antigen levels ug nagpabilin kining manageable.
“With these being said, we the Labella family, would like to assure the public that Mayor Labella continues to focus on his recovery while he is currently in the hospital,”dugang sa pamilya.
