Sigon sa CBCP news, si Pope Francis mitudlo sa 55-anyos nga si Billones nga maoy mangulo sa archdiocese sa Iloilo province karong adlawa, Domingo atol sa Solemnity of Our Lady of Candles, ang patroness sa Jaro ug Western Visayas.
Ang archbishop-designate mi-preside pa sa misa sayo karong adlawa sa Jaro Metropolitan Cathedral aron pagtimaan sa kapistahan.
Siya maoy mopuli ni sa miretiro nga si Archbishop Jose Romeo Lazo, kinsa misilbi sa archdiocese sulod sa dul-an pito ka tuig. Ang Santo Papa midawat sa resignation ni Lazo sa edad nga 76, nga milapas na sa mandatory retirement age nga 75.
Ang pagkatudlo ni Billones maoy sunod sa pagkatudlo sa laing kanhi Cebu Auxiliary Bishop Ruben Labajo isip Obispo sa bag-ong namugna nga Diocese of Prosperidad sa Agusan del Sur.
Niining pagkatudlo ni Billiones, si Archbishop Jose Palma of Cebu, kinsa mag-75 anyos na sab karong Marso, wala na’y assistant bishop.
Isip ika 14 nga archbishop of Jaro, si Billones maoy mo-oversee sa archdiocese, diin sakop niini ang Iloilo province ug Iloilo City, u gang lalawigan sa Guimaras.
Natawo sa Panay, sa silingang lalawigan sa Capiz, mitungha siya sa iyang Philosophy sa St. Vincent Ferrer Seminary sa Iloilo City ug Theology sa Loyola School of Theology sa Quezon City, diin didto sab niya nakuha ang iyang master’s degree in Theology.
Na-ordinahan siya nga pari sa Archdiocese of Jaro niadtong Oct. 2, 1995.
Si Billones nakasilbi sa archdiocese sa lainlaing kapasidd, lakip ang pagka-personal secretary ngadto kang Archbishop Alberto Piamonte ug sa iyang successor, Archbishop Angel Lagdameo.
Niadtong 2011, mikuha siya sa iyang Doctorate in Theology gikan sa Pontifical Gregorian University sa Rome.
Si Billones nakasilbi isip rector sa St. Joseph Regional Seminary sa Jaro sa dihang si Pope Francis mitudlo niya nga auxiliary bishop sa Cebu niadtong July 2019. Na-ordinahan siya sa episcopate niadtong Aug. 27, 2019, sa Jaro Cathedral.
————
Photo: Si Archbishop-elect Midyphil Billones nag-preside sa Mass for the Solemnity of Nuestra Señora de la Candelaria sa Jaro Metropolitan Cathedral, Domingo sa buntag, Feb. 2, 2025. ARCHDIOCESE OF JARO