96 ka sakyanan ang na-clamped sa mga sakop sa Cebu City Transportation Office o CCTO sa 10 ka barangays kagabii hangtod karong kaadlawon.

Ang operasyon basi sa reklamo nga nadawat sa CCTO kalabot sa Night Illegal parking nga paglapas sa City Ordinance number 2004.

Ang clamping gihimo sa barangay Duljo, San Nicolas, Basak San Nicolas, Cogon Pardo, Pardo, Bulacao Pardo, Quiot Pardo, Inayawan, Mambaling.

“Sa mga adunay mga reklamo mahitungod sa mga nagpasagad og parking mahimo kamong mopadayag sa atong CCTO FB Page, apan taga.e lang me og igong panahon kay daghan pasad kami og pending nga dapat actionan,”sigon sa CCTO fb page.

(Photos: CCTO fb page)