Si Erwin Gabasa, local president sa Casino Español de Cebu Inc Employees Union, nagpasalamat sa management ug sa Associated Labor Unions (ALU) tungod ning laing kahigayunan nga ma-renew ang ilang CBA.
Matod ni Gabasa nga dako gyud kaayo ang tabang sa Union sa ilang panarbaho.
Mipasalig sab siya og maayong serbisyo sa mga empleyado.
Bisan ang management sa Casino Español de Cebu Inc. mihangop sa renewal sa CBA.
Si May Ocaba, General Manager sa Casino Español de Cebu Inc., miingon nga gipaabot niya ang maayong working relationships uban sa mga trabahante.
Si Mr. Javier Sala, ang Presidente sa Casino Español de Cebu Inc. miingon sab nga nahimong kaabag nila ang employees union sa kalamboan sa kompaniya.
Matod ni Sala nga wa gyod siyay problema sa employees union ug mipasalig sa paghatag sa mga benepisyo nga nalatid sa CBA.
Sa renewal sa CBA uban sa Casino Español de Cebu Employees union-ALU, matod ni Sala mga sigurado ang umeNto sa ilang sweldo ug ubang benepisyo.
Si Atty. Nora Analyn Demeterio-Diego, regional Vice-President sa Associated Labor Unions-Central Visayas, midayeg sa management nga sayon ra kaayong nakigsabot sa CBA renewal.
Matod ni Diego nga dalaygon ang pagkamasinabuton sa management sa Casino Español de Cebu atol sa CBA renewal negotiations.
Gani, milanat lang og 3 ka higayon ang panagtagbo ug nauyunan ang mga provisions sa CBA.
Ang CBA retroactive pa gyud sa December 2021 atol sa pag-igo sa bagyong Odette.
