Ang Mandaue Chamber of Commerce and Industry (MCCI) mipasidaan sa negatibong epikto kon ipatuman ang P200 across-the-board daily legislated wage hike nga napasar na sa House Committee on Labor and Employment.
Si Mark Anthony Ynoc, kinsa maoy MCCI President, sa iyang pamahayag nga gipadala sa DYLA, nagkanayon nga moresulta ang maong kantidad sa taas kaayong inflation.
Kon mahitabo kini, ang mga negosyo maapiki, ug daghan ang mawad-an og trabaho kay manirado ang mga kompaniya.
Niini, matod ni Ynoc nga mosampot kini sa economic disaster ug daghan ang mabangkaruta.
Matod ni Ynoc, ang angayang himoon sa gobiyerno mao ang pagpalig-on sa ekonomiya pinaagi sa pagpatuman og lainlaing mga programa, pagdani sa mga foreign investors ug pagdasig sa mga bay-patigayon nga mopatuman og mga incentive Programs sa ilang nga empleyado.
“The passage of the P200 across the board Daily wage increase would lead to high inflation, make companies and businesses less competitive, and result in job losses. This shall bring potential economic disasters that Will cause company closures and bankruptcies. Instead, the governement should shift their Focus to strengthening the Country’s economy through ease of doing business, establishing globally competitive training and education, infrastructure Building, and attracting foreign direct investors while encouraging existing businesses to implement incentive Programs. This way we may boost the country’s GDP growth,”sigon ni Ynoc sa iyang statement sa dyLA.