Sa mensahe nga gipadala sa mga sakop sa media, nagkanayon si kanhi Cebu City Mayor Tomas Osmeña ug pangulo sa BOPK nga ilang na-uyonan sa grupo nga si Robredo ang suportahan karong umaabot nga eleksiyon.
Kini gumikan kay nakita nila ang gihimong kaayuhan ni Robredo ilabi na sa pagduso og petition ngadto sa Commission on Election (Comelec) aron momugna og special precincts sa di momenos 100,00 ka call centers nga nagtrabaho dinhi sa siyudad.
“Why Leni? VP Leni agreed to petition Comelec to create special precincts for the 100k call center agents who work in one area in cebu city. Presently they will have extreme difficulty voting due to their abnormal work hours and commuting problems to their respective distant precincts,”sigon ni Osmeña.
“If our govt allows 500k pinoys abroad to vote, what more the 1.6M agents in our cities. We ask that cebu city be the pilot agent as 90% are working one contigious area,”dugang sa kanhi mayor kinsa maoy founder sa BOPK.
Gibutyag usab ni Osmeña nga ilang gitan-aw sab ang ubang mga presidential candidates.
Matod ni Osmena nga sila si Senador Manny Paquiao ug Senador Ping Lacson maisip nga arang-arang o “good choices”. Si Senador Bong Go bati o bad choice. Samtang si Bongbong Marcos maoy labing bati o worst choice.
Apan alang sa BOPK si Robredo ang “best choice”.
“BOPK likes leaders who listen and respond. Leni leads the pack as the best choice. Pacquiao and Ping are also good choices. Bong Go is a poor choice and Marcos, the worst choice,” matod ni Osmeña.
