Ang mga biktima nailhan nga sila si Ma. Louela Dela Cerna Baringui-an, 45 anyos, usa ka barangay konsehal ug bana nga si Pedro Parba Baringui-an, nagpuyo sa Sityo Tapok- Tapok, Brgy. Panadtaran, San Fernando.
Basi sa pasiunang report sa San Fernando Police Station, ang magtiayon diha sulod sa ilang panimalay sa dihang ug gisulod sa lima ka mga wa mailhing tawo kinsa giingong nagtaptap sa nawong, dala ang wa pa matino nga kalibre sa armas ug gipangpusil ang mga biktima.
Sigon sa kasayuran sa dyLA, ang asawa midagan kini sa pagka-Konsehal sa maong lungsod karong May 9, 2022 nga piniliay ubos sa line-up ni Mayor Lakambini Neneth Reluya.
Sa pagkakaron, padayon ang imbistigasyon sa kapulisan sa San Fernando aron masayran kun unsay motibo sa maong krimen ug kinsa ang mga mamumuno. (Report ni Dario Gil)
📷 San Fernando MPS
