Anha kini ipahigayon sa kadagatan sa South Road Proporties, tungod sa Il Corso tuyok ngadto sa Ludo wharf area ug mobalik sa Il Corso o distansya nga mga 5 to 6 nautical miles, sigon sa nagpasiugda nga si kanhi Cebu Customs Collector ug amahan sa SINULOG David “Boy” Odilao Jr.
Ang pagpahigayon sa lumba sa mga baroto nga nahunong atol sa COVID-19 pandemic, gipaluyohan sa Cebu City Government nga maoy mohatag sa mga dagkong premyo ug sa Fraternal Order of Eagles.
Si Odilao nagkanayon sa usa ka press conference nga mga 60 ka participants ang ilang gipaabot nga mosalmot apan mahimong mas daghan pa kon moapil abg grupo gikan sa Zamboanga, ang Subiran Regatta sa Tacloban o ang Parao sa Western Visayas.
Ang mga pure fishermen o tinuod nga mananagat maoy mosalmot busa kinahanglan ang certification sa ilang barangay.
Duha ka mananagat ang mosakay matag baroto nga naa sa 16 to 18 feet ang gitas-on.
Libre ang registration nga ang deadline sa Enero 18 o 2 ka adlaw sa di pa ang lumba.
Ang prizes: P100,000 alang sa kampyon; P75,000 sa 2nd ug P50,000 sa 3rd, ug may mga consolation prizes nga P10,000.
Dunay P50,000 nga premyo sa nindot nga layag sa baroto.
Ang lumba sa baroto magsugod alas 8 sa buntag sa Enero 20, inig human gyud sa Fluvial procession.
Matod ni Odilao nga dunay security nga ipatuman ug mga medical personnel nga mo-assess sa mga participants.
