Ang Cebu City Disaster Risk Reduction Management Office O CDRRMO miawhag sa mga Sugboanon nga mangandam tungod sa posobilidad nga maigo ang Sugbo sa bagyong Odette.
“Zero casualty” maoy tumong sa CCDRRMO hinungdan nga gi-alerto ang tanan sa nagsingabot nga bagyo.
Kon dili mausab ang iyang puntiriya, mahimong maigo ang Sugbo ug Bohol sa bagyong Odette karong Huwebes.
Sigon ni PAGASA Mactan weather specialist Enzo Puerto, wala pa gyod makasulod sa PAR ang bagyo. Mao kini ang LPA nga nasigpatan sa Pacifico apan nahimo nang Tropical depression alas 8 kaganihang buntag.
Pagkakaron, anaa kini sa 2095 km east of Mindanao.
Mosulod kini sa PAR sa Martes (gabii) ug tawgon nga Odette.
Matod ni Puerto, dako og kahigayunan mokusog kini ngadto sa typhoon category.
Kon di mausab ang tracking, molandfall sa Huwebes sa CARAGA o sa ibabaw nga bahin sa dili pa motadlas sa Bohol ug Cebu.
